Մազերը պատմում են սթրեսի աստիճանի մասին. 1in.am

Նայելով մարդու մազերի վիճակին՝ կարելի է իմանալ, թե նա որքանով է սթրես տանում, հայտնում է telegraf.com.ua-ն: Հոլանդացի գիտնականները պարզել են, որ սթրեսի հորմոնի՝ կորտիզոլի մակարդակը կարելի է որոշել մազի հետազոտության միջոցով:

Մասնագետները վստահ են, որ մազերը մարդու առողջության վերաբերյալ տեղեկատվության արժեքավոր աղբյուր են: Կորտիզոլի մակարդակն օրգանիզմում ավելի լավ է որոշվում մազերով, քան արյան հետազոտությամբ:

Հետազոտողները կազմել են կորտիզոլի փոփոխման պատկերը երեք ամիսների ընթացքում՝ ուսումնասիրելով 283 տարեց մարդկանց մազերը: Սթրեսի հորմոնի ցուցանիշը բարձր է եղել այն մարդկանց մոտ, ովքեր տառապել են սիրտ-անոթային և զարկերակային հիվանդություններից, շաքարախտից, ինսուլտից:

Մազերն ավելի երկար են պահում տեղեկատվությունն այն մասին, թե ինչպես է ժամանակի ընթացքում փոփոխվում կորտիզոլի քանակը: Դրանց հետազոտությունն ամենալավ մեթոդն է, որը հնարավորություն է տալիս բավականին ճիշտ գնահատել հիվանդության զարգացման հնարավորությունը:

Հարցեր, պատասխաններ, մեկնաբանություններ